Серија културни настани во село Смилево

Во сабота, на 20 јули, со почеток во 19 часот, во рамки на манифестацијата Смилевски конгрес, во село Смилево ќе се одржат серија интересни културни настани:

- Изложба на алтернативни фотографии „Вратнички на Улишта“ на Миша Кескеновиќ, Сежана, Словенија

- Изложба на алтернативни фотографии на фото клубот Ирис, Темишвар, Романија

- Проекција на отворено на филмот „Манаки-приказна во слики“ на Роберт Јанкулоски, дел од програмата на патувачкото кино на МакеДокс

- Камерен концерт на Сиот тој џез во смилевската кооперација

Во периодот од 17 до 23 јули во смилевскиот манастир ќе се одржува третото издание на фестивалот на алтернативна фотографија – „Зрно”. Изложбите, проекцијата и концерот се во соработка со „МакеДокс”, фестивал на креативен документарен филм и НУ „Смилевски Конгрес”.