Портпаролката на Белата куќа, Каролин Ливит, ја изнесе првата официјална реакција на вчерашниот украински напад врз четири руски воздухопловни бази, во кој беа уништени или оштетени десетици руски стратешки бомбардери.
„Војната мора да заврши. Оваа војна е брутална од двете страни и многу луѓе ги загубија животите. Претседателот на САД јасно им кажа на двете страни дека сака ова да се реши на преговарачка маса“, рече Каролин Ливит во одговор на новинарско прашање.
Нападот беше изведен во неделата, кога Украинците лансираа повеќе од сто беспилотни летала кон руските воздухопловни бази, вклучувајќи ги и оние во Иркутск и Белогорск, кои се наоѓаат на повеќе од 4.000 километри од украинската граница.
Пораките од Белата куќа укажуваат дека САД се обидуваат да ги поттикнат двете страни да најдат дипломатско решение, иако руската страна досега не покажала вистински интерес за тоа. Денешната втора рунда мировни преговори траеше само еден час, и заврши со договор за размена на мртвите и затворениците, без напредок во другите прашања.