ЦАРИНИТЕ ЗА НИВ СЕ ЛУДОСТ И КАПРИЦ: Дванаесет американски држави ја тужат администрацијата на Трамп
Објавено во: Економија 24 Април, 2025 18:25
Повеќе американски држави ја тужат администрацијата на претседателот Доналд Трамп поради царините. Дванаесет држави вчера поднесоа тужба.
Меѓу оние кои тужат се Орегон, Аризона, Колорадо, Конектикат, Делавер, Илиноис, Мејн, Минесота, Невада, Њу Мексико, Њујорк и Вермонт.
Јавниот обвинител на Аризона, Крис Мејс, ги нарече тарифните политики на Трамп „лудост“, додавајќи дека тие се „економски неодговорни и незаконски“.
Во тужбата пишува дека политиките на Трамп се резултат на неговата „каприциозност, а не легитимно практикување на власта“ и го оспорува тврдењето на претседателот дека може произволно да воведува тарифи според Меѓународниот акт за економски овластувања за вонредни состојби (IEEPA). Тие бараат од судот да ги прогласи тарифите за незаконски и да и наложи на федералната влада и нејзините службеници да престанат да ги спроведуваат.
Минатата недела, гувернерот на Калифорнија, Гевин Њусом, поднесе посебна тужба против администрацијата на Трамп пред федералниот суд во северниот округ на Калифорнија, тврдејќи дека неговата држава, може да изгуби милијарди долари приход поради тарифната политика.
На почетокот на месецов, Трамп воведе царини за земјите од ЕУ и за Кина.
Американските граѓани со загриженост ги следат случувањата во политичкиот и економскиот сектор, при што администрацијата на Трамп не успеа да се избори со инфлацијата и да ги зголеми приходите на граѓаните, како што вети, а гласачите и дадоа низок рејтинг, според истражувањето на Ројтерс/Ипсос.
Само 37 отсто од испитаниците во оваа анкета го одобруваат начинот на кој Трамп управува со економијата.
Можеби ќе ве интересира
АЛАРМ НА БАЛКАНОТ! Регионот е под ризик од прекин на струјата, експерт предупредува: „Ако ова се случи, ќе има КОЛАПС“
„Енергетската заедница го поздрави новиот Закон за енергетика: Значајна пресвртница, Македонија е на пат кон европскиот енергетски пазар “
ЕСЕНВА СТАРТУВААТ ГРАДЕЖИТЕ РАБОТИ ЗА ПРОЕКТОТ ГРАДСКИ ВОЗ - првата линија ќе стартува од Зелениково и ќе вози до центарот на Скопје
ТУРСКАТА ШАХТЕРМ СО НОВА ИНВЕСТИЦИЈА ВО МАКЕДОНИЈА - објектот ќе надминува 13 илјади квадратни метри, еве ги деталите
МИЦКОСКИ ВЕЛИ ДЕКА ДОГОВОРОТ СО СТАРМЕР Е ИСТОРИСКИ: Ќе овозможи инвестициски циклус во вредност од околу шест милијарди евра
ГАСНО ПОВРЗУВАЊЕ МЕЃУ МАКЕДОНИЈА И СРБИЈА: Вучиќ вели дека на самитот се разговарало за инфрастуктурни проекти
ЕДС Инфо поинт: Просечната цена на струјата на HUPX берзата за денеска изнесува 89 евра за мегават час, на МЕМО 92,88 евра за мегават час
ПРЕТСЕДАТЕЛКАТА СИЛЈАНОВСКА ДАВКОВА В ПОНЕДЕЛНИК ЌЕ ГО ПРЕДЛОЖИ КАНДИДАТОТ ЗА ГУВЕРНЕР: Што доколку во рокот не се избере прв човек на Народната банка?
БОЛИ ГЛАВА: Новиот функционер Богојески има криптовалути од над милион евра
