Пациентката која пред 10-тина години прими вакцина против рак, денес е жива и без знаци да се врати болеста. По децении мал напредок во лекувањето на ракот, научниците велат дека истражувањата достигнале пресвртница, при што многумина предвидуваат дека следниот чекор во третманот на ракот ќе биде вакцина во рок од пет години.

Имено, не станува збор за воспоставени, односно традиционални вакцини кои спречуваат болести, туку за вакцини за намалување на туморите и спречување на враќање на ракот. Целите на овие експериментални третмани вклучуваат рак на дојка и белите дробови, а позитивни резултати се забележани оваа година во третманот на смртоносниот рак на кожата меланом и рак на панкреасот.

Вакцините против рак, како и другите имунотерапии, го зајакнуваат имунолошкиот систем за да ги пронајде и убива клетките на ракот. А некои нови користат mRNA, која беше развиена за рак, но за прв пат беше користена за вакцини против Ковид-19.

За да функционира вакцината, треба да ги научи Т-клетките на имунолошкиот систем да го препознаат ракот како опасен, рече д-р Нора Дисис од Институтот за вакцина против рак на UW Medicine во Сиетл. Откако ќе се „обучат“, Т-клетките можат да патуваат насекаде во телото за да забележат опасност.

Напредокот во третманот со вакцини е предизвик уште од нивното основање. Првиот лек, Provenge, беше одобрен во САД во 2010 година за третман на рак на простата. Исто така, постојат вакцини за лекување на ран рак на мочниот меур и напреднат меланом.

Едена од првите што прими вакцина против рак на јајниците во студија пред 11 години беше Џејми Крејс Мерсер. Дијагностицирана со напреднат рак на јајниците кога имала 34 години, Крејс мислела дека ќе умре млада и направила тестамент оставајќи го својот омилен ѓердан на нејзината најдобра пријателка. Таа сега има 50 години и засега нема знаци дека ракот се враќа. Таа не знае со сигурност дали вакцината помогнала, но гордо вели „Сè уште сум тука“, пишува таа во својата приказна за АФП.