Бизнис
ПРИСТИГНА ОБЈАСНУВАЊЕ ЗОШТО „НЕКОИ ОСТРОВИ НАСЕЛЕНИ СО ПИНГВИНИ“ СЕ НА АМЕРИКАНСКАТА ЛИСТА НА ЦАРИНИ
07.04.2025
Тарифите наметнати од САД за многу земји ширум светот ќе останат во сила „денови и недели“, изјави американскиот секретар за трговија Хауард Лутник. Тој додаде дека „некои острови населени со пингвини“ се вклучени во списокот за да не можат земјите да ги користат за да ги избегнат царините.
- Она што се случува е дека ако се остави нешто од списокот (на воведување тарифи), земјите кои во основа се обидуваат да продаваат во Америка, доаѓаат кај нас преку тие земји, изјави Лутник за CBS News, а пренесува Ројтерс.
Американскиот претседател Доналд Трамп во средата ги објави таканаречените реципрочни тарифи за увоз од околу 90 земји кои се над десет проценти сеопфатен данок што се применува на сите американски увози.
- Повеќе од 50 земји ја поканија Белата куќа да започне трговски преговори поради увозните царини што неодамна ги воведе американскиот претседател Доналд Трамп, изјави денеска директорот на Националниот економски совет на САД, Кевин Хасет, пренесува Србија Данас.
фото freepic