УШТЕ ЕДЕН ПАЦИЕНТ НА ЛЕКУВАЊЕ ВО ЛИТВАНИЈА ИМ ПОДЛЕГНА НА ПОВРЕДИТЕ - Александар Гавриловски е 61 жртва во пожарот

Добивај вести на Viber

Почина уште еден пациент од пожарот во Кочани кој се лекуваше во Литванија. Тој е 61-та жртва од трагедијата во Кочани. Како што потврди министерот за здравство, Арбен Таравари, станува збор за Александар Гавриловски, кој имал само 29 години. 

- Во 11 часот почина и вториот пациент кој престојуваше во Литванија. Станува збор за Александар Гавриловски, кој имаше 29 години. 

Првично хоспитализиран во Градската општа болница па пренесен во Литванија. Неговата состојба беше тешка од почеток, а од 4 април се влоши повеќе, а од вчера беше ставен на хемодијализа. 

Ова ни е втор пациент кој почина, од 193 кои ги третиравме. Имаме уште двајца критични пациенти - посочи Таравари.

Тој укажа дека Гавриловски имал изгореници од трет степен, изгореници на дишните патишта...

- Александар имаше повреди, 35 отсто изгореници од трет степен, изгореници на дишните патишта, еден од потешките пациенти, од тие четири кои ги кажувавме критични. Другите двајца сега за сега се критични, но стабилни - додаде Таравари.

Како што пренесуваат медиумите, Гавриловски веќе три недели е хоспитализиран и третиран од медициснките тимови, но за жал не успеа да се избори по тешките повреди.

Во пожарот во Кочани беа повредени околу 200 лица од кои дел беа пратени на лекување во странство.

Во петокот, на тешките повреди здобиени во пожарот во „Пулс“ им подлегна и Александар Карадакоски кој исто така се лекуваше во Литванија. Неготово тело е донесено во Македонија, а утре ќе биде погребан во Кочани.

Фото: ЕПА