Прво да се минат претквалификациите: Македонија на мегдан со Грција или со Франција

Сениорската репрезентација на Македонија денеска ги дозна противниците за главната квалификациска фаза за СП 2027, но за да стигнат до таму нашите кошаркари ќе треба да ја минат групата од претквалификациите каде за ривали ќе ги имаат Романија и Унгарија.

На ждрепката што денеска беше одржана во Доха беше утврдено – ако Македонија заврши прва во групата, за противници во главната фаза од квалификациите ќе ги има Грција, Црна Гора и Португалија.

Доколку се случи да се пласираме како второпласирани од групата, тогаш следни ривали ќе ни бидат селекциите на Франција, Финска и Белгија.

Ова дава уште поголем мотив за нашите кошаркари да се прикажат во добро светло во претквалификациите што стартуваат на 2 август, со добри изданија против Унгарците и Романците да се изборат за пресметки со врвни ривали во главната квалификациска рунда.

 

ЖДРЕПКА ЗА КВАЛИФИКАЦИИ ЗА СВЕТСКИ КУП 2027: Ако ги поминеме претквалификациите, нè чекаат две сериозни опции

КВАЛИФИКАЦИИ ЗА СВЕТСКИ КУП 2027 – НАТПРЕВАРУВАЧКИ ГРУПИ

ГРУПА А: Шпанија, Грузија, А група-претквалификации-победник, Д група-претквалификации-второпласиран

ГРУПА Б: Грција, Црна Гора, Б група-претквалификации-победник (МАКЕДОНИЈА, Романија, Унгарија), Португалија

ГРУПА Ц: Србија, Турција, БиХ, A група-претквалификации-второпласиран

ГРУПА Д: Литванија, Италија, Велика Британија, Исланд

ГРУПА Е: Германија, Израел, Кипар, Д група-претквалификации-победник

ГРУПА Ф: Летонија, Полска, Ц група-претквалификации-второпласиран, Ц група-претквалификации-победник

ГРУПА Г: Франција, Финска, Белгија, „Б“ група-претквалификации-второпласиран (МАКЕДОНИЈА, Романија, Унгарија)

ГРУПА Х: Словенија, Чешка, Шведска, Естонија

Се вчитува...