Издумани Крлевизми: „Кога елитата греши, тоа се зицер грешки.“

Афористичарот и сатиричар Атанас Крлевски денеска за читателите на Дума.мк објавува дел од своето творештво. Прочитајте ги.

„Во љубовта 2=1!“

„Кога ќе се замрсат конците, марионетите се во љубовна прегратка.“

„И од одливот на мозоци нешто добиваме – памeтна дијаспора.“

„Има тежок занает. Каменорезец е… на камена на сопнување.“

„Патот до современата жена е поплочен со кредитни картички.“

„На мое селфи и позадината се смее.“

„Умот е единствено нешто на овој свет што се гледа и кога го имаш и кога го немаш.“

„Кога елитата греши, тоа се зицер грешки.“

„Човек сум од доверба. Чувам дури и јавни тајни.“

„Владеев со себе… додека власта не ми удри во главата.“

 Атанас Крлевски