Барселона и Реал настрадаа на стартот на плејофот во Евролигата

Шпанските великани оваа сезона се далеку од формата која обично ги краси за највисок пласман во Евролигата, а во тоа се уверивме и на стартот на плејофот во најелитното европско натпреварување.

Барселона настрада на гостувањето во Франција кај екипата на Монако и претрпе тежок пораз од 97:80, и тоа во натпревар во кој единствена светла точка за нив беше првата четвртина.

Гостите водеа по првите 10 минути со 21:25 и ништо не навестуваше крај каков шти видовме, но мора да се напомене дека Монако повеќе од заслужено стигна до победата, бидејќи во вториот дел цело време одржуваше двоцифрена предност.

Покрај Барселона, тежок пораз вечерва забележа и Реал Мадрид, и тоа на гостувањето кај грчкиот гигант Олимпијакос.

Тимот од Пиреја тргна фуриозно од самиот старт и уште во првата четвртина поведе со 17 разлика, по што стана јасно дека Реал го чека навистина тешка вечер во Грција.

Олимпијакос на стартот на вториот дел имаше максимални „+21“, а тоа беше повеќе од доволна позитива за рутинска победа од 84:72 на крајот од мечот.