Шпанскиот фудбалер Жерар Пике изминативе години се најде среде скандал затоа што ја изневери колумбиската пејачка Шакира по 12 години љубов, а сега наводно ѝ бил неверен и на својата девојка.
Раскинувањето на Пике и Шакира е едно од оние кои ја одбележаа 2022 година, а истото беше проследено со голема драма затоа што откриено беше дека некогашниот ас на Барселона ја изневерил музичката сензација.
Тој имал афера со шпанската студентка и хостеса Клара Чиа Марти со која ја продолжил врската откако се раздели со Шакира, со која има двајца синови Милан и Саша. Пејачката крајот на љубовта го опеа во повеќе песни.
Новинарката Адријана Доронсро тврди дека Пике и неговата девојка раскинале и дека причината за тоа е трета личност. Според шпекулациите, станува збор за црвенокоса жена со која поранешниот фудбалер наводно бил забележан во Мајами.
Медиумите пишуваат и дека Пике и Клара одредено време биле во криза затоа што таа сакала да стане мајка додека пак спортистот не планирал уште едно дете. Наводно проблеми во врската имале со месеци, а потоа раскинале.
„Не сум изненадена затоа што знам дека беа во криза, поради тоа што таа сакаше да преминат на повисоко ниво, да стане мајка, но тој не“, истакнала новинарката.
фото:Instagram printscreen/ 3gerardpique
