Францускиот шампион кој од 2012 година е во сопственост на Катар се обидуваше да го освои најпрестижното клупско фудбалско натпреварување во минатото со Лионел Меси, Нејмар и Килијан Мбапе но успеа со подмладен состав и без ѕвезда која се издвојува
Со резултат 5:0 францускиот шампион Париз Сен Жермен го декласираше италијанскиот вицепрвак Интер во големото финале на Лигата на шампионите. Финалето во Минхен на преполната Алианц арена од почетокот на мечот до 90 минута беше во знакот на францускиот клуб.
Иако Интер претходно ја совлада Барселона и ветуваше тешко финале за парижаните, сепак ништо не им тргна на овој натпревар.
Она што може да се издвои како факт е дека сите во фудбалскиот свет очекуваа ПСЖ да биде послаб конкурент откако најголемата француска ѕведа во моментов, Килијан Мбапе, ги напушти пред почетокот на сезоната 2024-25 и замина во Реал Мадрид, ПСЖ предводен од шпанскиот стратег, Луис Енрике, во нокаут фазата доминираше против сите тимови со кои се соочи.
ПСЖ во финалето стигна победувајќи ги екипите на Брест, Ливерпул, Астон Вила и Арсенал.
Интер од друга страна ги порази екипите на Фејнорд, Баерн Минхен и Барселона.
За ПСЖ, кој има 13 титули во домашното првенство, ова е прв трофеј во клупската историја. Интер ја има освоено Лигата на шампионите три пати сво својата историја.
Дека ова е фудбалска година која му припаѓа на ПСЖ говори и фактот што комплетираа „триплета“, освојувајќи ги претходно Лига 1 и Купот на Франција.
Интер од друга страна, годинава заврши втор во лигата, не освои ниту еден куп и го загуби денешното финале.
Во единственото претходно финале, ПСЖ во 2020 година загуби од Баерн Минхен со резултат 0:1.
Со денешната титула, францускиот фудбалер Осман Дембеле значително ги зголеми шансите за прв пат да ја освои престижната индивидуална награда „Балон Д’Ор“.