Орбан: Русија не може да победи ниту во Украина, а не пак да се спротистави на НАТО
Премиерот на Унгарија Виктор Орбан изјави дека Русија нема капацитет за глобален конфликт и повика на итен прекин на огнот во Украина.
– Русија не може да ја победи ниту Украина, како тогаш би се судрила со НАТО? – изјави Орбан во интервју за порталот Telex.
Според него, решението за мир треба да започне со прекин на огнот, а вистинскиот договор мора да се постигне меѓу Москва и Вашингтон. Повторно истакна дека се противи на членството на Украина во НАТО и ЕУ, тврдејќи дека тоа не е во интерес на Унгарија.
Орбан посочи дека Русија го разбира само „јазикот на силата“ и повика Европа да ја засили својата политичка и економска моќ, бидејќи, според него, моментално настапува од позиција на слабост.
Тој изрази подготвеност да разговара со рускиот претседател Владимир Путин, па дури и да го пречека во Будимпешта.
Во врска со американскиот претседател Доналд Трамп, Орбан изјави дека не го смета за „месија“, но верува дека со него може да се дојде до договор за крај на војната – иако тоа би било исклучително тешко.
Унгарскиот премиер е гласен критичар на испораките на оружје за Украина и на санкциите против Русија, тврдејќи дека тие и наштетуваат на европската, а со тоа и на унгарската економија.
Ново на Сител
-
Полициски службеници од СВР Тетово спречија девојка да си го одземе животот
-
Гори на планината Серта меѓу штипските села Драгоево и Селце
-
Европол: Уапсен клучен актер кој стои зад рускојазична платформа за сајбер-криминал во Украина
-
Синер повторно го ангажираше Ферара
-
Во Гевгелија измерени 42 степена, а 40 во Скопје, освежување од недела
-
ССНМ бара препораките за топлото време да важат и за новинарите и да не се организираат настани на отворено
-
Со македонски пасош без виза може да се патува во 130 држави
-
Приведен 71-годишен маж, предизвикал пожари во Демиркаписко