Националната агенција за европски образовни програми и мобилност, официјално го започнува новиот проект „Отворена агенција“, насочен кон вклучување на млади луѓе, да стекнат работно искуство во Националната агенција, преку оглас за прием на волонтери и практиканти.
-Преку овој проект, младите ќе добијат уникатна можност за стекнување на прво работно искуство во ЕУ-акредитирана институција, каде што ќе можат директно да се запознаат со работата на Агенцијата, со европските програми и со вредностите на отвореноста, транспарентноста и професионалноста, информираат од Националната агенција.
Сите избрани волонтери и практиканти ќе добијат надоместок во висина на трошоците за храна и превоз, како поддршка за нивниот ангажман. Најуспешните учесници ќе добијат можност за понатамошна работна соработка како надворешни соработници на Агенцијата, во согласност со нејзините тековни активности и потреби.
Огласот за пријавување ќе биде објавен на официјалната веб-страница на Агенцијата и преку медиумите.
Ги охрабруваме сите заинтересирани млади луѓе, особено студенти и неодамна дипломирани лица на европските програми, да се пријават и да станат дел од „Отворена агенција“.
Фото Националната агенција – отворена за младите, отворена за иднината НАЕОПМ
