• Саше Љолес
Италијанскиот тенисер Јаник Синер се пласираше во четвртфиналето на Мастерсот во Рим, каде во осминафиналната фаза го елиминираше Франческо Черундоло со 2-0, по сетови 7-6/2 и 6-3.
Мечот траеше два часа и 18 минути, а првиот светски рекет славеше над седумнаесет позиции послаборангираниот ривал и во следната фаза ќе се соочи со победникот од дуелот меѓу Каспер Руд и Хаум Мунар.
Пласман меѓу осумте најдобри обезбеди и бранителот на трофејот, Александар Зверев, кој за еден час и 45 минути го комплетираше триумфот над Французинот Артур Филс со 2-0, по сетови 7-6/3 и 6-1.
Германскиот тенисер во следната рунда за противник ќе го има Лоренцо Мусети од Италија.
