Скопје, 10 јуни 2025

Со одлука на Президиумот, од Левица објавија дека е конституиран Републичкиот изборен штаб за претстојните Локални избори 2025. За шеф на РИШ е избран пратеникот и член на Президиумот, м-р Сашко Јанчев.

„Во предизборието влегуваме одлучно и непоколебливо, со цел конечно да се пресметаме со локалните рекет, тендер и урбани мафии.

Досега видовме дека таму каде што големите партии имаат градоначалници, а во советите мнозинство - тендер и рекет системот, зачинет со урбан хаос, комотно си функционира. Во такви услови нема ефективна пречка за локалните шерифи, освен гласањето за Неподмитливите!

Единствен механизам за стопирање на погубното практикување на локалната власт во општините и Градот Скопје и нејзино искористување за лично богатење, на сметка на јавниот интерес, е советите да зависат од нас, а на градоначалниките столчиња да седнат чесни личности, без партискиот багаж на тридецениските узурпатори.

Затоа, на овие есенски избори јасно целиме кон тоа и овојпат, со Ваша помош, ќе успееме!” - истакнаа од Левица.

Со почит, 
Сектор за медиуми и односи со јавност при ПП Левица 

Фото: ПП Левица

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.