• Саше Љолес
Кошаркарите на ЦСКА Москва ја освоија шампионската титула во ВТБ лигата откако славеа над тимот на Зенит во шестиот натпревар од финалната серија со конечни 96-73.
„Армејците“ беа апсолутно подобар противник и заслужено се искачија на тронот, единаесетти пат откако е создадена единствената ВТБ лига. Најдобар поединец на мечот беше Французинот Амат Ембај со 19 поени, шест скока, две асистенции и две украдени топки.
На спротивната страна се истакна Трент Фрејзер со седумнаесет поени. За ЦСКА Москва ова е втора титула во низа, а во минатогодишното финале беше совладан Уникс Казан со конечни 4-1.
