Човек е ослободен од затвор по 30 години, откако нови ДНК докази покажале дека не бил на местото на злосторството за коешто бил ДОЖИВОТНО осуден

Гордон Кордеиро, кој помина три децении во затвор, е ослободен откако нови ДНК докази потврдија дека не е поврзан со убиството за коешто е суден од 1994 година.

Кордеиро, родум од Мауи, Хаваи, беше осуден на доживотен затвор без можност за помилување за убиството на Тимоти Блејсдел, кој бил застрелан на осамена земјена патека при обид да купи марихуана. Неговото тело било пронајдено во провалија, а Кордеиро, кој во тоа време имал 20 години, бил осуден за убиство, грабеж и обид за убиство во повторното судење.

Семејството на Кордеиро со години ја докажувало неговата невиност, а случајот бил преземен од „The Hawaii Innocence Project“. Новата ДНК анализа покажала дека тој не бил присутен на местото на злосторството, што ја поткрепило алиби-одбраната дека на денот на убиството бил дома со семејството.

По три децении, судијката Кирстин Хаман ја поништи пресудата и нареди негово ослободување, што предизвика емоционални реакции во судницата.

Кордеиро го нарече овој ден „Петок на слободата“ и им се заблагодари на семејството и поддржувачите за нивната верност. Тој сега има право да бара компензација од 1,5 милиони долари за годините поминати во затвор.

Кенет Лосон, од „The Hawaii Innocence Project“, изјави дека случајот бил лошо воден од полицијата, која го претворила главниот осомничен, Мајкл Фрејтас, во главен сведок на обвинителството. Фрејтас починал во 2020 година.

Обвинителството во округот Мауи не се согласува со ослободувањето, а обвинителот Ендру Мартин бара да му се изречат мерки за претпазливост, тврдејќи дека пресудата не го ослободува Кордеиро од вина.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!