Кошаркарите на Партизан не успеаја да направат уште еден „брејк“ во финалето во АБА лигата откако загубија во вториот финален натпревар против Будуќност со 84-73 и покрај двоцифреното водство на полувремето.
По скромната прва четвртина (16-16) кошаркарите на српскиот тим ги земаа работите во свои раце, одиграа одлично во нападот и одбраната па поведоа со 31-41 на полувремето, но не само што не успеаја да пресликаат одличната игра и во вторите 20. минути, туку доживеаја потполен колапс.
Лошата игра на „црно-белите“ и во нападот и одбрана брзо го врати во игра Будуќност. Двоцифрената негатива беше претворена во предност во последната четвртина од 17 поени (73-56), а овој пат белграѓани немаа сили за чудо.
Омиќ со 15 поени и четири скокови беше лидер на Будуќност, додека Рајт додаде 14 поени. Со по 16 поени Браун и Џоунс беа лидери на Партизан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
