Скопско дерби во полуфиналето на Купот на Македонија

Денеска во просториите на Ракометната федерација на Македонија беше извршена ждрепката за завршните турнири во Купот на Македонија.

Фајналфор турнирот кај мажите се игра во салата „Билјанини Извори“ во Охрид и тоа на 31 мај и 1 јуни. Познати се полуфиналните парови, па така во ова фаза ќе имаме скопско дерби, скопска пресметка меѓу бранителот на пехарот Алкалоид и Вардар 1961.

Овие два тима први ќе излезат на теренот и тоа од 17 часот, додека пак во втората полуфинална битка ги имаме Еурофарм Пелистер и домаќинот ГРК Охрид. Таа средба ќе се игра во вечерниот термин од 19:30 часот.

Кога се во прашање пак дамите, турнирот на кој ќе се бара Куп шампионот ќе се игра во Радовиш.

Полуфиналните парови се Ѓорче Петров-Вардар и Чаир-Металург.Оваа фаза ќе се игра на 30 мај, финалето пак е еден ден подоцна.