Во текот на 125 години, милиони луѓе ја гледале оваа слика на Ван Гог, но никој вистински не ја видел сe до неодамна
Винсент ван Гог никогаш не доживеа да ја види својата историска слава. Умре во 1890 година на 37-годишна возраст, во Авер-сур-Оаз, Франција, откако сам си пукал во градите со пиштол. Тоа беше трагичен крај на бурен живот исполнет со ментални страдања и длабока несигурност.
Неколку недели пред смртта, во писмо до својот брат Тео, Ван Гог напишал: „…мојот живот е нападнат во самите корени, и чекорот ми е несигурен.“ Тој беше истоштен и исцрпен од високите стандарди што си ги поставил и недостигот од признание, доживувајќи се себеси како неуспех и како човек и како уметник.
Содржина:
„Ѕвездената ноќ“ – создадена во лудило, но полна со генијалност
Неговото најпознато дело, „Ѕвездената ноќ“, било насликано во 1889 година додека престојувал во азил во Франција, откако си го отсекол увото за време на психотичен напад. Иако долго се верувало дека самиот чин на самоповредување бил резултат на ментална нестабилност, според Музејот на Ван Гог, причината можеби била расправија со колегата уметник Пол Гоген, со кого работел во Арл. Инцидентот ја отсликува неговата прогресивна психичка деструкција.
Скриена наука во уметноста
Иако Ван Гог одамна се проучува како уметник кој бил инспириран од лудилото, научниците во 2010-тите години открија нешто неверојатно: неговата уметност содржи визуелна репрезентација на еден од најкомплексните природни феномени — турбуленцијата.
Тоа откритие било овозможено благодарение на сликите од телескопот Хабл, кои ги поттикнале експертите повторно да погледнат во „Ѕвездената ноќ“ — и овојпат, навистина да ја видат.
Што е турбуленција?
Според „Британика“, турбуленција или турбулентен проток е форма на движење на флуиди (течности или гасови) во која се случуваат неправилни вртлози и енергетски каскади. Големите вртлози создаваат помали, тие уште помали, и така натаму. Ова движење се појавува во крвни садови, лавини, атмосферата, океанските струи, па дури и околу врвовите на авионски крилја.
Научниците само неодамна почнаа да ја разбираат и математички да ја моделираат оваа појава.
Ван Гог – уметник, но и несвесен научник?
И покрај тоа што живеел еден век пред науката да ја разбере турбуленцијата, Ван Гог успеал да ја долови со извонредна прецизност — додека бил затворен во психијатриска болница, со половина уво, во својата најмрачна состојба.
Истражувачите анализирале и други дела од импресионистите, но заклучиле дека ниту еден не ја доловува турбуленцијата како Ван Гог. Дури и Едвард Мунк со „Врисокот“ не успеал да го постигне истото.
Природна убавина откриена преку болка
И покрај внатрешните демони, Ван Гог оставил дело кое не само што е уметнички величествено, туку и научно значајно. Во време кога никој не ја разбирал турбуленцијата, тој ја „насликал“. Оваа симбиоза на уметност и наука покажува колку уметничката перцепција може да претходи на научното откритие.
Кој би помислил дека боите и вртлозите што Ван Гог ги забележал ќе бидат потврда за нешто што научниците ќе го откријат дури по еден век?
Видеото подолу објаснува сè подетално. Вреди да се погледне.
Коментирај анонимно