Еурофарм сигурно до плејоф бодови, Бутел направи голем пресврт против Охрид

Ракометарите на Бутел имаа негатива од пет гола на гостувањето кај Охрид, но на крајот направија пресврт и стигнаа до првата победа (29:31) во плејофот на македонската машка лига.

Во Битола, Еурофарм Пелистер беше сигурен против Тиквеш (29:25) и не дозволи кикс пред своите фанови, враќајќи им се на победите по поразот во дербито со Вардар.

Тиквеш водеше на полувреме со 11:12, но Еурофарм Пелистер диктираше темпо во вториот дел и заслужено ги освои бодовите за привремена прва позиција на табелата.

Манасков со 10 голови беше најефикасен на теренот и го водеше битолскиот тим до важна победа во плејофот.

Во Охрид домаќините ја испуштија сериозната предност од шест гола, па му дозволија на расположениот гостински тим да стигне до прва победа во плејофот. Милошески и Узунчев со по седум голови го предводеа скопскиот тим до победа на гостувањето во 6. коло.