Студентскиот живот е убав, но на неговиот почеток  многу работи стануваат нови. За да се избегнат непријатни ситуации, секој бруцош треба да ги направи овие неколку работи, по можност пред почетокот на студентската година.

Иако најчесто се работи за „досадни’’ процедурални работи, препорачливо е овие работи да ги направите што е можно порано за да си го олесните студентскиот живот во друг град.

Пренесување на здравствена евиденција

Ова е најважно за секој бруцош кој не е од тој универзитетски град и кој ќе се врати дома само за време на зимскиот и летниот распуст.

Бруцошите треба да знаат дека освен матичниот лекар од нивното место на живеење, може да имаат лекар и во градот каде што студираат.

Услугата е бесплатна, и многу корисна, бидејќи студентите нема да мора да се вратат во местото на живеење поради помали проблеми или да плаќаат трошоци.

Студентскиот живот бара подготовки и работи кои треба да ги направите кога започнувате со студирање

Регистрација на живеалиште

За повеќето студенти, запишувањето на факултет значи преселба во друг град и промена на адресата.

Престој е местото и адресата каде некое лице привремено престојува, но не се населило трајно на таа адреса.

Значи, бруцоши побарајте од издавачите на студентски соби за престој да ве регистрираат на адресата која ќе биде вашето престојувалиште за време на студиите. Така ќе можете да ги примате и вашите онлајн нарачки кои се многу популарни кај студентите.

Упис во универзитетската библиотека

За оние кои сакаат да учат, или воопшто да читаат без да размислуваат за учење, им се препорачува веднаш да се пријават во универзитетската библиотека, бидејќи литературниот фонд на некои факултети е недоволен, особено ако ви затреба дополнителна литература за некој студентски проекти, библиотеката е тука за вас.

Купување на месечни карти за автобус

Јавниот превоз е составен дел од студентското секојдневие во поголемите градови, освен оние студенти кои живеат во близина на универзитетот или се во одлична состојба и можат да пешачат или да возат велосипед до нивната дестинација. Меѓутоа, за да користите автобуси, најдобро е да имате месечен билет. Направете го тоа преку пријавување на огласите за бесплатен превоз за студенти, доколку постои во градот каде што студирате или самоиницијативно извадете си месечна карта.

Оглас за помош на студенти од ранливите категории

Наоѓање на совршено место за уживање после часовите

Најдобар совет за бруцошите е да најдат место, освен ѕидовите на нивните соби, каде што ќе можат да се релаксираат и да се забавуваат со пријателите и колегите.

Нека местото ја одразува вашата енергија и карактер и нека одговара на вашите потреби. Не е важно дали се работи за кафуле, парк, библиотека или нешто друго, важно е да има атмосфера што ќе ве прави препознатливи.