Забава
Можете да им кажете сè, но не и дека не се во право: хороскопски знаци што не признаваат грешки

Не е лесно да се признае дека сме грешеле, но некои луѓе ја водат оваа битка почесто и поинтензивно од другите. Наместо да ја признаат одговорноста, тие попрво ќе бараат изговори, ќе се бранат или едноставно ќе го игнорираат проблемот.
Во астрологијата, постојат знаци кои, поради својата тврдоглавост, гордост или несигурност, тешко ги прифаќаат сопствените грешки – дури и кога длабоко во себе знаат дека грешат.
Еве кои хороскопски знаци најчесто имаат проблем да ги признаат грешките.
Овен
Припадниците на овој знак се познати по своето силно его и импулсивност. Кога ќе направат грешка, ретко ја признаваат веднаш бидејќи им изгледа како знак на слабост. Наместо тоа, тие имаат тенденција да дејствуваат дефанзивно и да се обидуваат да ја префрлат вината на друг.
Само кога ситуацијата ќе се смири и олади, може да признаат дека грешеле, но дури и тогаш со доза на гордост.
Лав
Лавовите се родени лидери и сакаат другите да ги гледаат како силни, сигурни и секогаш во право. Грешките им се тешки бидејќи им ја нарушуваат сликата за себе. Тие честопати ќе се обидат да ги ублажат или рационализираат, наместо отворено да ги признаат.
Сепак, кога навистина сакаат и почитуваат некого, тие знаат како да покажат понизност, но со голема внатрешна борба.
Јарец
Јарците имаат високи стандарди и се исклучително строги кон себе, но и кон другите. Кога прават грешка, тие имаат тенденција да се фокусираат на оправдување наместо на признавање.
Тие веруваат дека постапиле во согласност со логиката и одговорноста, па затоа тешко им е да прифатат кога некој ќе ги соочи со поинаква перспектива. За нив, признавањето грешка е губење на контролата, што е многу непријатно за нив.
Шкорпија
Шкорпиите не сакаат да бидат во подредена положба, а признавањето на грешка значи покажување ранливост. Наместо да го признаат тоа, тие честопати ќе молчат, ќе се повлечат или ќе се обидат да ја „извртат приказната“ за да останат во позиција на сила.
Нивната интуиција честопати им кажува дека грешеле, но признанието доаѓа само кога се чувствуваат целосно емоционално сигурни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ен Хатавеј ги извади очилата стари 20 години и раскажа анегдота од снимањето на „Ѓаволот носи Прада“

Започна снимањето на продолжението на филмот Ѓавол носи Прада, со Ен Хатавеј и Мерил Стрип во главните улоги. По тој повод, Хатавеј на ТикТок сподели анегдота и покажа што носела со себе на снимањето за среќа.
„Првиот ден од снимањето на Ѓавол носи Прада 2 донесов наочари кои ги носеше нашиот режисер Дејвид Франкел за време на снимањето на првиот дел. Пред 20 години сите ние на сетот се заљубивме во нив“, ја почна приказната, а потоа ги извади наочарите од футролата.
„Сега повторно сме заедно, по 20 години, и сите ги имаме уште. Јас ги донесов своите за среќа на почетокот од снимањето. Не верувам дека ми е диоптријата иста, мислам дека сега не ми одговараат“, рече додека ги пробуваше очилата.
„О, боже. Ох, вау“, со тоа само малку ја опиша својата шокираност од диоптријата што ја имала пред 20 години. „Пријателка еднаш ги стави моите наочари и беше шокирана. ‘Како да испив цело шише џин’, рече. Сега ми е јасно што мислеше… Дали навистина толку лошо гледав?“, се насмевна актерката.
Покрај Ен Хатавеј и Мерил Стрип, своите улоги ќе ги повтори и Емили Блант и Стенли Тучи. Иако деталите од приказната уште не се официјално потврдени, се очекува приказната да се фокусира на Миранда Пристли и нејзиниот професионален предизвик во време кога печатените медиуми сè повеќе ја губат моќта.
Овојпат таа се соочува со својата поранешна асистентка, ликот на Емили Блант, која сега е високо поставена директорка на луксузна модна групација, со буџет за рекламирање што Миранда итно ѝ треба.
Сè уште не е познато каква улога ќе има Енди Сакс, која ја толкува Ен Хатавеј. Да потсетиме, на крајот на оригиналниот филм, Енди даде отказ во Ранвеј и прифати друга работа.
Режијата и сценариото повторно ќе ги потпишуваат Дејвид Франкел и Алин Брош Мкена, авторите на оригиналниот хит од 2006 година, што уште повеќе ги зголемува очекувањата кај обожавателите. Филмот е базиран на романот на Лорен Вајсбергер од 2004 година, делумно инспириран од нејзиното вистинско искуство како асистентка на Енди Винтур, главната уредничка на Вог.
Ѓавол носи Прада 2 ќе има премиера во кината на 1 мај 2026 година.
Забава
Вистинското име на Том Круз и болното минато што го оставил зад себе

Том Круз (63), холивудски актер и ветеран кој важи за икона поради неговата долготрајна посветеност на шоу-бизнисот, е познат по тоа што сам ги изведува опасните акциски сцени во многу научнофантастични и акциони филмови. Но, она што многумина не го знаат е неговото вистинско име и причината зошто го променил.
Неговите родители, таткото Томас Круз Мапотер III, електроинженер, и мајката Мери Ли Пфајфер, наставничка за специјално образование, го добиле синот во 1962 година. Семејството живеело во речиси сиромаштија и под строго католичко воспитување. Кога имал 18 години, Том решил да ја остави минатото зад себе и да ја започне својата актерска кариера – одлука што го катапултирала до врвот на светската слава и богатство.
Како дел од неговото преселување во Њујорк и започнување на нов живот, тој се откажал од името што го добил при раѓање – Томас Круз Мапотер IV. Многу обожаватели биле изненадени кога го дознале тоа, а некои дури коментирале дека неговото вистинско име „звучело како од кралско потекло“, додека други сметале дека звучи „непрактично“ или „необично“.
Причината за промената не била само да добие име со холивудски призвук, туку и да се дистанцира од својот татко, кого го опишал како насилен човек, „кукавица“ и „создавач на хаос“. Во интервју за магазинот „Парајд“ во 2006 година, Круз рекол:
„Мојот татко беше личност што ќе те удри ако нешто не е како што сака. Тоа беше голема лекција за мене – прво ќе те опушти, ќе те натера да се чувствуваш безбедно, а потоа – бум! Сфатив дека нешто не е во ред. Не му верувај. Биди на штрек.“
Неговата мајка се развела од татко му кога Том имал 12 години, а таа починала од рак во 1984 година. Подоцна во животот, Круз се сретнал со својот татко пред неговата смрт. За тој момент вели:
„Кога го видов во болка, помислив: ‘Вау, колку осамен живот.’ Имаше едвај четириесет и нешто години. Беше тажно.“
Некои од роднините на Круз сè уште го носат презимето Мапотер – меѓу нив и неговиот братучед Вилијам Мапотер, исто така актер, познат по улогите во серијата „Лост“ и филмот „Зодиак“.
Забава
Бијонсе, по седум години, го обедини „Дестинис чајлд“

Бијонсе го прослави крајот на својата рекордна турнеја „Каубој Картер“ со многу посебно обединување со своите колешки од бендот „Дестинис чајлд“. Таа ја спушти завесата од турнејата на спектакуларен начин кога бендот повторно се обедини за серија хитови.
Поп-ѕвездата го одржа својот последен концерт на стадионот „Алегиант“ во Лас Вегас, а ѝ се придружија Кели Роуланд и Мишел Вилијамс.
Последниот пат кога триото настапи заедно беше во 2018 година кога Кели и Мишел се појавија на концертот на Бијонсе на Коачела.