Аргентинските ветерани спасуваа бод за Бенфика, Фламенго стартуваше со победа на Светското клупско првенство (Видео)

Бока Јуниорс и Бенфика приредија шоу за фудбалските фанови во Мајами, а големиот број навивачи на аргентинскиот клуб можат да жалат што нивниот испушти предност од два гола.

Аргентинскиот великан водеше со 2:0 со головите на Мерентиел и Баталја постигнати во 21 и 27. минута, но Бенфика успеа некако да спречи пораз и тоа благодарение на најискусните во тимот.

Ди Марија намали од пенал во судиското надополнување на првиот дел, додека Отаменди израмни во 84. минута, во период кога португалскиот претставник имаше играч помалку на теренот.

На вториот натпревар одигран утринава, Фламенго славеше со 2:0 над Есперанс Тунис и на посакуван начин го започна настапот на Светското клупско првенство.

Де Араскаета го отвори резултатот во првиот дел, а Араухо во вториот стави точка не неизвеноста за конечни 2:0 и стартна победа на бразилскиот претставник.