Спорт
Саки: Бизарно е што Модриќ заврши во Милан

Еден од најголемите тренери на сите времиња, Ариго Саки, го коментираше и критикуваше најавеното доаѓање на Лука Модриќ во Милан.
Хрватот го напушта „Сантијаго Бернабеу“ по 13 години како играч со најмногу трофеи во историјата на најголемиот клуб во светот.
Се шпекулираше за разни дестинации каде што 39-годишниот играч од средниот ред би можел да ја продолжи кариерата (Саудиска Арабија или САД), но тој неочекувано се реши за италијанскиот великан.
Добар дел од јавноста е збунет, дел е среќен, но не и Саки, кој се смета за фудбалски револуционер.
Во втората половина на 80-тите, тој го врати Милан на патеките на славата, освојувајќи едно Скудето и два Купа на шампиони и еден Интерконтинентален куп, по што ја водеше Италија до финалето на Светското првенство во 1994 година како тренер.
Легендарниот статус на Саки не е создаден благодарение на трофеите, туку повеќе на неговиот револуционерен пристап, ја воведе верзијата на Јохан Кројф за „тотален фудбал“ во ригидно дефанзивниот италијански фудбал.
Италијанскиот спортски весник „Газета дело Спорт“ под наслов „Милан, внимавајте со Модриќ. Тој има 40 години и најмногу што може да направи е да биде играч кој доаѓа од клупата“ ја носи статијата на Саки за Хрватот.
„Хрватот не смее да биде играч кој се третира како екстра класа. Се надевам дека овој трансфер бил одобрен од новиот тренер Макс Алегри. Клучното прашање за Милан е следново: Дали Росонерите се во право што се фокусираат на Модриќ? Играч кој се приближува кон 40-та година од животот и кој во последните две сезони не беше стандарден играч во првиот тим на Реал. Овој избор е бизарен бидејќи клубот треба да се фокусира на млади играчи. Миланј мора да изгради тим со обврска да ја врати самодовербата и ентузијазмот на навивачите по разочарувањето од последните сезони“, пишува Саки.
„Се обидов да ја анализирам ситуацијата за да се ставам во позиција на тренер на Милан и се обидов да ги разберам причините за изборот на Модриќ. Економскиот аспект е јасен: Модриќ доаѓа без надомест со плата од околу 3,5 милиони евра годишно. Во таа смисла, ова е добра зделка за Милан. Освен тоа, помладите играчи заработуваат многу повеќе и немаат технички квалитети како Модриќ. Но, Модриќ има 40 години и на таа возраст најмногу што може да обезбеди е да игра повремено.“
Се очекува Модриќ да потпише договор со Милан на почетокот на следната недела, по репрезентативниот прозорец во кој Хрватска игра квалификации за Светското првенство во 2026 година против Гибралтар и Чешка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Флуминензе и Борусија одиграа без голови на клупскиот Мундијал

Фудбалерите на Борусија Дортмунд и Флуминензе одираа натпревар без голови на Светското клупско првенство во САД.
Дерби натпреварот од првото коло од Групата Ф на стадионот „МетЛајф“ во Њу Џерси заврши со најнепопуларниот резултат, 0:0. Секогаш е интересно и неизвесно кога се натпреваруваат Германците и Бразилците, но овој пат играчите на им двата тима останаа должни на фудбалските фанови.
И за овој натпревар немаше голем интерес кај навивачите, на стадионот со капацитет од малку повеќе од 80.000 седишта, имаше точно 29.755 гледачи.
Фудбалерите на Флуминензе, шампионот на Јужна Америка од 2023 година, беа нешто поопасни, особено во второто полувреме кога голманот на Борусија, Грегор Кобел, се истакна во неколку ситуации. Особено во 70-та минута кога Евералдо имаше добра шанса.
Капитен на тимот од Рио де Жанеиро беше легендарниот бразилски репрезентативец и поранешен дефанзивец на Милан, Пари Сен Жермен и Челзи, 40-годишниот Тијаго Силва.
19-годишниот Џоуб, помладиот брат на англискиот репрезентативец и фудбалер на Реал Мадрид, Џуд Белингам, дебитираше за тимот на Нике Ковач. Тој пристигна од Сандерленд за околу 30 милиони евра. Влезе во игра во 59-та минута наместо Паскал Грос.
Јужнокорејскиот Улсан ХД и Мамелоди Сандаунс од Јужна Африка играат во истата група вечерва на полноќ.
Во второто коло на 21 јуни ќе играат Мамелоди Сандаунс – Борусија Дортмунд (18.00) и Флуминенсе – Улсан ХД (24.00).
Спорт
Вардар, Силекс и Работнички ги дознаа противниците во Конференциската лига

Фото/ ффм.мк
Македонските тимови Вардар, Силекс и Работнички ги дознаа имињата на противниците со кои ќе се соочат во првото квалификациско коло во Конференциската лига.
Вардар од можните четири притивници го доби најпосакуваниот, фудбалскиот клуб ла Фиорита од Сан Марино.
Силекс во првата квалификациска рунда ќе се соочи со црногорскиот претставник Дечиќ, додека Работнички доби противник од Белорусија, фудбалскиот клуб Торпедо.
Бидејќи не беа носители, македонските тимови, првите натпревари ќе ги играат на домашен терен.
Првите натпревари ќе се одиграат на 10, а реваншите на 17 јули.
Спорт
Велшки предизвик за Шкендија во првото квалификациско коло

Шампионот на Македонија, Шкендија, во првото квалификациско коло, во Лигата на шампионите ќе се соочи со првакот на Велс, ТНС:
Првиот натпревар ќе се одигра на 8 или 9 јули во Македонија, а реваншот е на програмата една недела подоцна во Велс.
Шкендија и ТНС играа во 2018 година, исто така во првото квалификациско коло. Шкендија победи дома со 5:0 (четири гола постигна Ибраими), а ТНС во реваншот беше на чекор до сензација, победи со 4:0