Макрон: Не може да има укинување на санкциите за Русија пред да се воспостави мир во Украина
Францускиот претседател Емануел Макрон изјави дека на денешниот состанок било „едногласно договорено“ дека „сега не е време за укинување на санкциите против Русија на кој било начин“.
– Не може да има укинување на санкциите пред да се воспостави мир, додаде Макрон.
Тој соопшти дека е донесена одлука да им се наложи на министрите за надворешни работи од коалицијата на подготвените да достават предлог за тоа како би можело да се надгледува евентуално примирје. За тоа имаат рок од три недели.
Дополнително, Макрон најави дека Велика Британија и Франција ќе испратат делегација во Украина за да соработуваат со украинските вооружени сили и да им помогнат во планирањето на идните чекори.
По разговорите со британскиот премиер Кир Стармер, Макрон изјави дека тие двајца ќе им наложат на воените команданти да организираат испраќање на француско-британски тим во Украина во наредните денови за тесна соработка со украинските партнери.
Францускиот претседател потоа зборуваше за тоа како ова ќе ѝ помогне на коалицијата во иднина.
Според него, коалицијата ќе испитува „кој формат е потребен во однос на бројот на војници, како и каква опрема и техника се неопходни за одговор на идната руска агресија и за спречување на какви било агресивни руски дејствија“.
– Ова ќе ни овозможи да влеземе во фаза на планирање за да го разјасниме придонесот на секоја членка на коалицијата и да ѝ дадеме на Украина јасна слика за многу прецизен акциски план кој сакаме да го спроведеме“, заклучи Макрон.
Ново на Сител
-
Нови учебници, интегрирање на вештачката интелигенција, воведување целодневна настава, најавува министерката Јаневска
-
Притвор за 53-годишник осомничен за продажба на кокаин во Велес
-
Вучиќ со порака од Одеса: Србија сака да обнови еден или два града или помал регион во Украина
-
Внука со нож се обидела да ги убие сопствените баба и дедо во Битола
-
Скалони за ремито со Колумбија: Беше добар тест
-
Кулибали по победата над Англија: Ова е историски момент за Сенегал
-
Нова сезона на АТЛ започнува од Охрид
-
Советот на Европа ја повика Словенија да го признае хрватскиот јазик како малцински јазик во земјата