Мајами, 4 мај 2025 (МИА) - Светскиот шампион Макс Верстапен очекува Големата награда на Мајами да биде тешка трка, бидејќи пилотите зад него, конкретно Мекларен, на оваа трка ќе имаат подобри автомобили од него.

Во Јапонија оваа година, Макс успеа да ја претвори пол-позицијата во победа, но во Мајами има повеќе места за престигнување и неговите ривали нема да дозволат повторување на поворката од Сузука.

-Мислам дека тркачкото темпо на Мерцедес е подобро од нашето. Видовте дека болидите на нивниот тим работат подобро со интермедија гумите и во моментот кога тие гуми ќе почнат да се прегреваат, Мекларен презема голема предност. Очигледно сите некаде правиме грешки со гумите, но тоа не важи за Мекларен, истакна Верстапен по квалификациите.

Додаде дека очекува тешка трка, но се надева дека ќе може да ја направи оваа трка тешка за неговите ривали. дс

Фото: Архива