Прада со фокус на креативната мајсторија и (не)следењето на трендовите

Мучија Прада не отстапува од својата посветеност на "грдото", коешто според неа е неистражена територија, полна со уметност што ги ослободува жените од линиите што ги задушуваат.

Таа исто така стои цврсто до својата визија дека облеката на Прада нема потреба да следи тренд или истиот да го адаптира.

За колекцијата пролет/лето 2024-та Мучија и Раф Симонс се фокусираа на мајсторијата, односно на местата каде што се изработува самата облека со помош на напредна и деликатна техника.

Прекрасни пастелни нијанси од органза покриени со свила која што им дава слободно, лелеаво движење на фустаните, коишто ги следеа микро шорцеви, предимензионира блејзери, високи чорапи, волуменозни кошули и проѕирни миди здолништа.

А посебна беше приказната со чантите, коишто наместо рачка имаа мала скулптура од човечка глава, која што за прв пат ја дизајнираше дедото на Мучија Прада во 1913-та.

Фото: Vogue